منتديات كلداني

ثقافي ,سياسي , أجتماعي, ترفيهي
 
الرئيسيةالرئيسيةبحـثالكتابة بالعربيةمركز  لتحميل الصورالتسجيلدخول
 رَدُّنا على اولاد الزانية,,لقراءة الموضوع اكبس على الصورة  رأي الموقع ,,لقراءة الموضوع اكبس على الصورة
رَدُّنا على اولاد الزانية,,لقراءة الموضوع اكبس على الصورةقصة النسخة المزورة لكتاب الصلاة الطقسية للكنيسة الكلدانية ( الحوذرا ) والتي روّج لها المدعو المتأشور مسعود هرمز النوفليالى الكلدان الشرفاء ,,لقراءة الموضوع اكبس على الصورةملف تزوير كتاب - ألقوش عبر التاريخ  ,,لقراءة الموضوع اكبس على الصورةمن مغالطات الصعلوگ اپرم الغير شپيرا,,لقراءة الموضوع اكبس على الصورةدار المشرق الغير ثقافية تبث التعصب القومي الاشوري,,لقراءة الموضوع اكبس على الصورة

شاطر | 
 

 راح أحتفظ بيهه وما أكول أرقام ... أخاف أحجيلكم وتصيبكم هبطه ...!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
maria
عضو متألق
عضو متألق







البلد البلد : العراق
الجنس : انثى
عدد المساهمات عدد المساهمات : 1150
التوقيت الان بالعراق :
تاريخ التسجيل : 07/05/2009
مزاجي : اكل شوكولاتة

مُساهمةموضوع: راح أحتفظ بيهه وما أكول أرقام ... أخاف أحجيلكم وتصيبكم هبطه ...!   2011-07-06, 7:14 am

راح أحتفظ بيهه وما أكول أرقام ... أخاف أحجيلكم وتصيبكم هبطه ...! أبيات شعر شعبي مؤثرة

:: كاتب مجهول ::


راح أحتفظ بيهه وما أكول أرقام
أخاف أحجيلكم وتصيبكم هبطه
وما أحجي عالبوك وأذكر الفرهود
أخاف أحجي البكلبي وأوكع بورطه
ناس تحوسم وعدهه اللّغف مشروع
لأن سبحه بديهم صارت السلطه
ولأن يحموهه ساسه وسفلة ودستور
وما تكدر حرامي تحاسبه الشرطه
فد مرّه مقـاول ربح بس مليـار
إنقهر حيل إعله روحه وإنضرب جلطه
والغش جان نزوه وجان شي محدود
أخبرك صار أساس وحايط وخبطه
إنتهت شغلة صفر والواحد وأرقام
والتزوير أصبح هسّه بالنقطه
إذا زنكين تكدر تشتري القانون
وبكيفك عليه لشرطك إتشرطه
وإذا إنته مقاول top والعباس
ياهو اللي إبالك تكـدر تحنطه
والماله نفوذ وعرف يم مسؤول
خل يحذر يفكر يرتكب غلطه
لأن قانون عدنه عالفقير إستاد
ولللأستاذ هالقـانون يتمطّه
يكولون الوكت أفضل من اللي جان
بس صعبه الوطن مانرتوي بشطه
مو عدنه وطن ما تشبهه الأوطان
بتاريخه وعلومه ودينه ونفطه
ياوسفة ناس طكّت روحهه من العوز
وماعدهه لحـاف البيه تتغطه
وآنه أعرف كلامي يزعّل ومكروه
ويجوز أنخطف هسه وأنكتل سنطه
وضدي أسمع كلام وتهم حيل هواي
ارهابي ملحد وشتحتاج هالخلطه
ويجوز أنحبس والتهمه طول لسان
كاتب شعـر شعبي يتهم سلطه
ويجوز يردني واحد كلبه ماملجوم
ومن حقه اليمعمع عنزه جوّه إبطه
كلنه إنتهت ذيج وبالأجن نرتاح
أشو كلمن أصحابه وجمعته ورهطه
ناس أنطت العدهه وماخذت قيراط
وواحد إخذ كلشي وكلشي ما أنطه
ياهو اللي تلزمه يكولك مسؤول
وحـراس وخدم إتشيلّه الجنطه
سد السير وأنعل أبو اللي يجتاز
مانعرف شبيهه ؟ إمظلّله البطه
وما نعرف حماهه من الرجل والله
ياهو اللي تلزمه يكول آنه أسطه
كبل جان الوطن غركان واستبداد
إجه النوب الفساد وجمّل الغطّه
إذا واحد يعمّر ميّه اليهدمون
ونمشي وخطه ماكو وتاهت الخطّه
شتعدل ؟ لون مالت لا تكول شلون
الاعوج يبقه أعوج وين متحطّه..!!


الرجوع الى أعلى الصفحة اذهب الى الأسفل
 
راح أحتفظ بيهه وما أكول أرقام ... أخاف أحجيلكم وتصيبكم هبطه ...!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كلداني  :: 

مقالات بآراء اصحابها
 :: واحة النثر والخواطر والقصائد

-
انتقل الى: